Գյուղատնտեսական տեխնիկայի լիզինգի աջակցության ծրագիր

Աջակցություն՝ գյուղատնտեսական մեքենաների և տեխնիկայի ձեռքբերման համար, ինչը նպաստում է գյուղատնտեսության արդյունավետության բարձրացմանը և ժամանակակից մեթոդների կիրառմանը։ Այս ծրագրերը թույլ են տալիս գյուղացիական տնտեսություններին և գյուղմթերք արտադրող ընկերություններին նոր տեխնիկա ձեռք բերել ավելի մատչելի պայմաններով՝ պետական սուբսիդիայի շնորհիվ։

Ծրագրի հիմնական նպատակը՝ գյուղատնտեսական հողատեսքերի արդյունավետ օգտագործման և ապրանքային արտադրության կազմակերպման նպաստավոր պայմանների ստեղծման համար գյուղատնտեսությունում տնտեսավարողներին մատչելի պայմաններով, մասնավորապես լիզինգային մեխանիզմների կիրառմամբ գյուղատնտեսական տեխնիկայի մատակարարումն է։

Ծրագրի շրջանակներում տնտեսավարողներին կտրամադրվի հետևյալ գյուղատնտեսական տեխնիկան՝

• տրակտորներ՝ տարբեր մակնիշների,
• կոմբայններ, հավաքիչ-մամլիչներ,
• շարքացաններ, գութաններ, խոտհնձիչներ,
• կարտոֆիլատնկիչներ, կարտոֆիլաքանդիչներ,
• կուլտիվատորներ, ֆրեզներ, սրսկիչներ,
• տրակտորային կցասայլակներ,
• այլ գյուղատնտեսական տեխնիկա։